काठमाडौँ । आज देशभर छ जनाको शव फेला परेको छ । प्रहरीका अनुसार देशका विभिन्न जिल्लाहरूमा शव फेला परेको हो ।

प्रहरीका अनुसार तनहुँको शुक्लागण्डकी नगरपालिका ४ हेल्थपोष्टस्थित आमा समूह भवननजिकै ५१ वर्षीय गोविन्द विकको शव फेला परेको हो ।

यस्तै, रूपन्देहीको सिद्धार्थनगर नगरपालिका ८ कोल्डस्टोर चोकनजिक सडकको पेटीमा सोही नगरपालिका १ बेलहिया घर भएकी ४० वर्षीया सुन्दरी हरिजन मृत फेला परेका छन् ।

प्रहरीका अनुसार ओखलढुङ्गाको मानेभन्ज्याङ गाउँपालिका ३ पशुबगरमा अन्दाजी ३६ वर्षीय बेवारिसे पुरुषको शव फेला परेको छ भने विराटनगर महानगरपालिका ४ स्थित नहरमा अन्दाजी ४५ वर्षीय पुरुषको शव फेला परेको छ ।

यसैगरी काभ्रे पनौती नगरपालिका ४ बस्ने ४२ वर्षीय राजकुमार श्रेष्ठ र अर्घाखाँचीको मालारानी गाउँपालिका १ गुल्छेडीमा प्युठान मल्लारानी गाउँपालिका १ लुक्कागैरा बस्ने ३२ वर्षीय खग बहादुर राहु मगरको शव फेला परेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।