काठमाडौँ । भन्सार छली गरी लुकाएर ल्याएको अन्दाजी दुई लाख ८७ हजार रूपैयाँ बराबरको मोबाइल फोनसहित दुई जना पक्राउ परेका छन् ।

४१ मोबाइल थानसहित भारत घर भएका ३७ वर्षीय दिलिप पवारसहित दुई जनालाई दक्षिणकाली नगरपालिका ५ फर्पिङबाट शुक्रबार राति प्रहरीले पक्राउ गरेको हो ।

इलाका प्रहरी कार्यालय फर्पिङबाट खटिएको प्रहरीले वीरगञ्जबाट काठमाडौँतर्फ आउँदै गरेको ना १ ज २८९९ नम्बरको टाटा सुमोलाई जाँच गर्ने क्रममा उनीहरूलाई पक्राउ गरेको हो ।

सुमोमा सवार उनीहरूलाई उक्त मोबाइलसहित फेला पारी पक्राउ गरेको हो । घटनाबारे प्रहरीले आवश्यक अनुसन्धान गरिरहेको छ ।