काठमाडौँ । यती एयरलाइन्सको विमान दुर्घटनामा मृत्यु भएकाहरूको शव आफन्तलाई बुझाउन सुरु गरिएको छ ।

एक विज्ञप्ति जारी गर्दै नेपाल नागरिक उड्डयन प्राधिकरणले मृतकको शव आफन्तलाई बुझाउन सुरु गरेको जानकारी दिएको हो ।

पोखरामा शव बुझ्न चाहने आफन्तजनलाई पोस्ट मार्टमपश्चाम शव बुझाउन सुरु गरिएको हो ।

प्राधिकरणका अनुसार कूल सवार ७२ मध्ये ६९ जनाको शव फेला परेको छ । जसमा ४१ जनाको पहिचान भइसकेको छ ।

यस्तै, बेपत्ता तीन जनको शव खोजी कार्य भइरहेको छ । थप सहजीकरणका लागि काठमाडौँबाट फरेन्सिक विज्ञ टोली पोखरा पुगेको प्राधिकरणले जनाएको छ ।