काठमाडौं । प्रधानमन्त्री तथा नेकपा (माओवादी केन्द्र)का अध्यक्ष पुष्पकमल दाहाल प्रचण्ड नेता वर्षमान पुनको स्वास्थ्य अवस्था बुझन ललितपुरको सुमेरु अस्पताल पुगेका छन् ।

गृहजिल्ला रोल्पामा रहेका बेला फेरि। स्वास्थ्यमा समस्या देखा परेपछि पुनलाई हेलिकप्टरमार्फत केही दिन अगाडी मात्रै काठमाडौं ल्याई सुमेरु अस्पतालमा भर्ना गरिएको छ ।

जन्डिस विग्रेका कारण केही समययता पुन अस्वस्थ्य रहँदै आएका छन् । उनको केही समय पहिले मात्रै चीनमा उपचार गरिएको थियो । मन्त्रीहरुको सपथ ग्रहण सकेलगत्तै प्रधानमन्त्री पुनलाई भर्ना गरि राखिएको सुमेरु अस्पताल पुगेका थिए ।

पुन माओवादी केन्द्रका उपपमहासचिव हुन् । उनी रोल्पाबाट प्रतिनिधिसभामा निर्वाचित सांसद पनि हुन् ।