काठमाडौँ । बैंकिङ कसूर मुद्दाका फरार प्रतिवादी पक्राउ परेका छन् । धादिङ गंगाजमुना गाउँपालिका ६ घर भई हाल काठमाडौँ महानगर ३ बाँसबारी बस्ने २९ वर्षीय लोकमान गुरुङ पक्राउ परेका हुन् ।

उच्च अदालत पाटनको २०७९ वैशाख ६ गतेको फैसलाले आठ लाख २४ हजार रुपैयाँ बिगो तथा जरिवाना, सात दिन कैद र ३२ हजार ९६० रुपैयाँ छतिपूर्ति शुल्क भराउने ठहर भई फरार रहेका उनलाई बानेश्वरबाट पक्राउ गरेको हो ।

काठमाडौं उपत्यका अपराध अनुसन्धान कार्यालयबाट खटिएको प्रहरीले पक्राउ गरेसँगै उनलाई फैसला कार्यान्वयन गराउन जिल्ला अदालत काठमाडौँ पठाइएको छ ।