साउथका चर्चित अभिनेता सुधीर वर्माले आत्महत्या गरेका छन् । प्रहरीका अनुसार माघ १० गते उनले विष खाएर आत्महत्या गर्ने प्रयास गरेका थिए । स्वास्थ्य बिग्रिएपछि उनले हैदराबादस्थित आफन्तको घरमा गएर विष सेवन गरेको बताएका थिए ।

त्यसयता हैदरावादको उस्मानिया अस्पतालमा उनको उपचार भइरहेको थियो तर उनलाई बचाउन सकिएन । रिपोर्टका अनुसार राम्रो काम नपाएका कारण सुधीर डिप्रेशनमा थिए ।

स्वास्थ्य बिग्रिएपछि उनलाई २१ जनवरीमा विशाखापट्टनमको एक निजी अस्पतालमा भर्ना गरिएको थियो। उनको उपचार त्यहीँ चलिरहेको थियो । उनको २३ जनवरीमा निधन भएको थियो । अभिनेता सुधाकर कोमकुलाले सामाजिक सञ्जालमा तस्विर शेयर गर्दै यो जानकारी दिएका हुन् । उनी ३३ वर्षका थिए ।

मिडिया रिपोर्टका अनुसार लामो समयदेखि राम्रो भूमिका र काम नपाएका कारण सुधीर डिप्रेसनमा थिए । जसका कारण उनले आत्महत्याजस्ता कदम उठाए । तर, यसको आधिकारिक कारण भने खुल्न सकेको छैन ।