टर्की र सिरियामा भूकम्पका कारण अवस्था बिग्रँदै गएको छ । हालसम्म २२ हजारभन्दा बढीको मृत्यु भइसकेको छ । घाइतेको संख्या ७८ हजार नजिक पुगेको छ । टर्कीमा १९ हजार ३८८ जनाको ज्यान गएको छ भने सिरियामा ३ हजार ३ सय ८४ जनाको मृत्यु भएको छ । मृत्यु हुनेको कुल संख्या २२,७७२ पुगेको छ।

टर्कीको परिवार तथा सामाजिक सेवा मन्त्रालयले फेब्रुअरी ६ मा गएको भूकम्पपछि अहिलेसम्म २६३ बालबालिकाको उद्धार गरिएको जनाएको छ । तीमध्ये १८ बालबालिकाको परिवार फेला परेका छन् । बाँकी बालबालिकालाई आश्रयस्थलमा राखिएको छ ।

यसैबीच टर्कीका भूकम्प प्रभावित सहरमा निर्माण व्यवसायीमाथि अनुसन्धान सुरु भएको छ । टर्कीका न्यायमन्त्री बेकिर बोजडागले धेरै भवनहरू ध्वस्त भएको बताएका छन्।