काठमाडौँ । मानव अधिकार आन्दोलनका अगुवा वरिष्ठ वामपन्थी बुद्धिजीवी डा मथुराप्रसाद श्रेष्ठको उपचारका क्रममा निधन भएको छ। पोष्ट कोभिड समस्या भएर अन्नपूर्ण न्यूरो अस्पताल माइतीघरमा भर्ना भएका डा. श्रेष्ठको सोमबार बिहान निधन भएको हो ।

लामो समयदेखि दम र छाती रोगका सङ्क्रमणको उपचारमा रहेका मानवअधिकार क्षेत्रका अगुवा श्रेष्ठको आज बिहान माइतीघरस्थित अस्पतालमा निधन भएको उनका छोरा डा जया श्रेष्ठले जानकारी दिए ।

विसं २०४६ मा प्रजातन्त्रको पुनर्बाहाली भएपछि बनेको सरकारमा उनी नागरिक समाजका तर्फबाट स्वास्थ्यमन्त्री बनेका थिए । उनका छ छोरा र एक छोरी छन् ।

८८ बर्षको उमेरमा सोमबार बिहान ४ बजेर १५ मिनेट जाँदा उनको निधन भएको अन्नपूर्ण न्युरो अस्पतालले जनाएको छ।
डा. श्रेष्ठको निधनमा एमाले अध्यक्ष एवंम पूर्वप्रधानमन्त्री केपी शर्मा ओलीले श्रद्धाञ्जली व्यक्त गरेका छन् । परिवारजनमा समवेदनमा पनि ओलीले व्यक्त गरेका छन् ।

मानव अधिकार आन्दोलनका अगुवा
वरिष्ठ वामपन्थी बुद्धिजीवी डा मथुराप्रसाद श्रेष्ठको निधनको खबरले अत्यन्त दुःखी छु।
केही दिन अघि प्राप्त भएको उहाँलाई सम्मान गर्ने अवसर नै अन्तिम भेटको रूपमा स्मरण गर्दै उहाँप्रति भावपूर्ण श्रद्धाञ्जली अर्पण गर्दछु।
शोकाकुल परिवारजनमा गहिरो समवेदना ! pic.twitter.com/jrv2vm7c8k

— K P Sharma Oli (@kpsharmaoli) February 20, 2023