काठमाडौँ । प्रधानमन्त्री पुष्पकमल दाहालले पूर्वस्वास्थ्यमन्त्री एवं बामबुद्धिजीवी डा. मथुराप्रसाद श्रेष्ठको निधनप्रति दुःख व्यक्त गरेका छन् । सामाजिक सञ्जाल ट्वीटरमा प्रधानमन्त्री दाहालले श्रेष्ठप्रति श्रद्धाञ्जली अर्पण गर्दै शोक सन्तप्त परिवारजनमा हार्दिक समवेदना व्यक्त गरेका छन् ।
‘पूर्वस्वास्थ्यमन्त्री, बुद्धिजीवी एवं अधिकारकर्मी डा. मथुराप्रसाद श्रेष्ठको असामयिक निधनप्रति गहिरो दुख व्यक्त गर्दछु,’ प्रधानमन्त्री दाहालले ट्वीटरमा लेखेका छन्, ‘डा. श्रेष्ठप्रति भावपूर्ण श्रद्धाञ्जली अपर्ण गर्दै शोकसन्तप्त परिवार, आफन्तजन र शुभेच्छुकमा हार्दिक समवेदना प्रकट गर्दछु।’

पूर्व स्वास्थ्य मन्त्री, बुद्धिजीवी एवं अधिकारकर्मी डा. मधुराप्रसाद श्रेष्ठको असामयिक निधनप्रति गहिरो दुख व्यक्त गर्दछु। डा. श्रेष्ठप्रति भावपूर्ण श्रद्धाञ्जली अपर्ण गर्दै शोकसन्तप्त परिवार, आफन्तजन र शुभेच्छुकमा हार्दिक समवेदना प्रकट गर्दछु।

— ☭ Comrade Prachanda (@cmprachanda) February 20, 2023