काठमाडौँ । कर्णाली प्रदेशका प्रमुख तिलक परियारका छोरा अमरबहादुर परियारको भारतमा सवारी दुर्घटनामा निधन भएको छ ।

आइतबार भारतको कुरुक्षेत्रको हरियाणामा आफ्नो जेठो छोरा अमरबहादुरको निधन भएको प्रदेश प्रमुख परियारले सामाजिक सञ्जाल फेसबुकमा लेखेका छन् ।

अमरबहादुरका श्रीमति र तीन छोरा छन् ।

‘हिजो भारतको कुरूक्षेत्र शहर (हरियाणा) मा सवारी दुर्घटनामा परि हाम्रो जेठो छोरा अमरबहादुर परियारको असामिक निधन हुन गएकोमा गहिरो दुख व्यक्त गर्दछु,’ परियारले फेसबुकमा लेखेका छन्, ‘छोरा प्रति हार्दिक श्रद्धाञ्जली तथा बुहारी र तीनभाई नातीहरूमा समवेदना छ ।’