काठमाडौं । आईसीसी विश्वकप क्रिकेट लिग २ अन्तर्गत जारि त्रिदेशीय एकदिवसीय शृंखलामा यूएई पपुवा न्यूगिनी(पीएनजी)सँग लगातार तेस्रो पटक पराजित भएको छ ।

कीर्तिपुरस्थित त्रिवि मैदानमा शुक्रबार पिएनजीले दिएको २४७ रनको लक्ष्य पछ्याएको युएई ४२.२ ओभरमा १९० रनमै अलआउट हुँदा पीएनजीले ५६ रनको जित निकालेकाे हाे ।

युएईका आर्यन लक्राले ५१ रन जोड्दा कप्तान तथा ओपनर मोहमद वासीमले ४१ रन बनाए।

बलिङमा पिएनजीका रेली हेकुरेले ३ विकेट लिए भने काबुआ मोरिआ र आसद भालाले २-२ विकेट लिए।

त्यसअघि युएईले टस जितेर फिल्डिङ रोजेपछि पहिले ब्याटिङ गरेको पिएनजीले ५० ओभरमा ९ विकेटको क्षतिमा २४६ रन बनाएकाे थियाे ।

यसअघि, यूएई आफ्नै मैदानमा पीएनजीसँग दुईपटक पराजित भएको थियो ।

यूएईले दोस्रो खेल आइतबार नेपालसँग खेल्ने छ । पीएनजी पहिलो खेलमा नेपालसँग ५२ रनले पराजित भएको थियो ।