काठमाडौं । प्रधानमन्त्री पुष्पकमल दाहाल ‘प्रचण्ड’ले सिन्धुलीमा बस दुर्घटनामा परेकालाई तत्काल उद्दार गर्न निर्देशन दिएका छन्। प्रधानमन्त्री प्रचण्डले सम्बन्धित निकायलाई उद्दार तथा घाइतेको उपचार प्रभावकारी बनाउन निर्देशन दिएका हुन् ।

‘सिन्धुलीमा बस दुर्घटना भई ५ जनाको मृत्यु र दर्जनौं यात्रु घाइते भएको खबरले दुःखी तुल्याएको छ। दुर्घटनाका मृतकहरूप्रति भावपूर्ण श्रद्धासुमन व्यक्त गर्दछु,’ प्रधानमन्त्री प्रचण्डले सामाजिक सञ्जाल फेसबुकमा लेखेका छन्, ‘घाइतेहरूको शीघ्र स्वास्थ्यलाभको कामनासहित उद्दार कार्य प्रभावकारी बनाउन सम्वद्ध सबैमा निर्देशित गर्दछु ।’

आइतबार बिहान ओखलढुंगाबाट काठमाडौं आउँदै गरेको बस सिन्धुलीको फिक्कल–४ को कुइभीरमा दुर्घटना हुँदा ६ जनाको मृत्यु भएको छ भने २४ जना घाइते भएका छन् ।