काठमाडौं । आइसीसी विश्वकप लिग २ त्रिकोणात्मक एक दिवसीय सिरिजको अन्तिम खेलमा युएईले नेपाललाई ३१०
रनको लक्ष दिएको छ ।

टीयू क्रिकेट मैदानमा टस जितेर ब्याटिङ थालेको यूएईले ६ विकेट गुमाएर तीन सय १० रनको योगफल तयार गर्यो।

यूएईका लागि आसिफ खानले शतक पार गरे । आसिफले ४२ बल खेल्दै ४ चौका र ११ छक्का प्रहार गरि १०१ रन बनाए । कप्तान मोहमद वसिम र भिर्टिया अबिन्द्रले अर्धशतक पार गरे ।

त्यस्तै वसिमले ४९ बलमा २ चौका र ६ छक्का प्रहार गर्दै ६३ रन बनाए । अबिन्द्रले १३८ बलमा ९४ रन बनाए । यूएईका रोहन मुस्तफाले २० रन बनाए ।

नेपालका लागि बलिङमा दीपेन्द्रसिंह ऐरीले दुई विकेट लिए । त्यस्तै, ललित राजवंशी, सोमपाल कामी र सन्दीप लामिछानेले एक एक विकेट लिए ।

आजको खेलमा जित निकाले नेपाल विश्वकपको ग्लोबल क्वालिफायर खेल्ने अवसर पाउने छ ।