काठमाडौँ । ट्वान्टी–२० क्रिकेटमा अफगानिस्तानले पाकिस्तानलाई पहिलो पटक हराएको छ । तीन खेलको सिरिज अफगानिस्तानले एक खेल अगावै जितेको छ।

शुक्रबार क्रिकेट इतिहासमा पहिलो पटक पाकिस्तानलाई हराएको अफगानिस्तानले आइतबार दोस्रो खेलमा ७ विकेटले हराउँदै ३ खेलको सिरिज २–० ले जितेर इतिहास रचेको छ।

शारजहामा भएको दोस्रो टी–२० अन्तर्राष्ट्रियमा पाकिस्तानले दिएको १३१ रनको मध्यम लक्ष्य अफगानिस्तानले एक बल बाँकी छँदै ३ विकेटको क्षतिमा पुरा ग¥यो ।

अफगानिस्तानका लागि रहमानउल्लाह गुरबाजले ४४, इब्राहिम जद्रानले ३८, नाजिबउल्लाह जद्रानले २३ तथा १४ रन बनाए।

पाकिस्तानका लागि जमान खान र इहसानुल्लाहले १–१ विकेट लिए।

टस हारेर पहिले ब्याटिङ गरेको पाकिस्तानले निर्धारित २० ओभरमा ६ विकेट गुमाउँदै १३० रन बनायो। इमाद वासिमले सर्वाधिक ६४ रन बनाए। सादव खानले ३२ रन जोडे ।

अफागानिस्तानका लागि फजलहक फारुकीले २ तथा नविन उलहक, रासिद खान र करम जननतले १–१ विकेट लिए।

पाकिस्तानविरुद्ध कुनै पनि खेलमा अफगानिस्तानले जित निकालेको यो पहिलो पटक हो।