काठमाडौँ । प्रतिनिधिसभाका सभामुख देवराज घिमिरेले नेपाल विश्वमै आँखा उपचारका लागि चर्चा पाएको मुलुक रहेको बताएका छन् ।

सोमबार नेत्रज्योति दिवसको अवसर पारेर काठमाडौंमा आयोजित एक कार्यक्रममा बोल्दै उनले यस्तो बताउँदै नेपाल नेत्रज्योति संघ, चिकित्सकलगायतका सम्बन्धित सबै पक्षप्रति आभार व्यक्त गरे ।

उनले संघीय सरकार, प्रादेशिक सरकार र स्थानीय सरकारसँग सहकार्य गरेर नेपाललाई आँखा उपचारको गन्तव्य मुलुकको रुपमा विकास गर्न पनि नेपाल नेत्रज्योति संघलाई आग्रह गरेका थिए ।

संघले नेपालको दूरदराजमा पुगेर अन्धोपना हुनबाट जोगाउन खेलेको भूमिकाको प्रशंसा गर्दै सभामुख घिमिरेले सो कामका लागि आफूले पनि सक्दो सहयोग गर्ने प्रतिवद्धता व्यक्त गरे ।

त्यस अवसरमा सभामुख घिमिरेले गरिब जनताको घर दैलोमा पुगेर आँखाको उपचार गर्ने लक्ष्य प्राप्तिमा संघलाई सफलता मिलोस भन्दै कामना गरेका थिए । कार्यक्रममा आँखा उपचारको क्षेत्रमा योगदान पु¥याउनेलाई सम्मान गरिएको थियो ।