काठमाडौं । अन्तर्राष्ट्रिय मुद्रा कोष (आईएमएफ) ले युद्धग्रस्त युक्रेनको अर्थतन्त्रलाई सहयोग पुर्याउन गर्न १५.६ बिलियन डलर ऋण प्याकेज स्वीकृत गरेको छ।

आईएमएफका अनुसार रुसको आक्रमणले ध्वस्त भएको युक्रेनको अर्थतन्त्रलाई ३० प्रतिशतले संकुचनमा पुर्याएको छ, जसले गर्दा युक्रेनको पुँजी घटाएको छ र गरिबी बढेको छ ।

आईएमएफले भनेको छ-‘नयाँ चार बर्षे कार्यक्रमले समष्टि आर्थिक र वित्तीय स्थायित्व ल्याउनुका साथै युद्धबाट ध्वस्त भएका महत्वपूर्ण संरचनात्मक पूर्वाधारको मर्मत गर्ने लक्ष्य राखेको छ ।’

आईएमएफले हालै ‘असाधारण गम्भीर अनिश्चितता’ सामना गरिरहेका देशहरूलाई ऋण दिने नियमहरू परिवर्तन गरेको छ ।