काठमाडौँ । शहिद स्मारक ए डिभिजन लिग अन्तर्गत मछिन्द्र क्लबले खुमलटार क्लबमाथि फराकिलो जित हासिल गरेको छ ।

मंगलबार च्यासल मैदानमा सम्पन्न खेलमा मछिन्द्र क्लबले खुमलटार क्लबलाई ७-३ गोल अन्तरले पराजित गरेको हो ।

मछिन्द्रको जितमा अफीज ओलावालेले ५ गोल गरेका थिए भने बिमल घर्ति मगर र विजय भुजेलले एक एक गोल गरेका थिए ।

त्यस्तै खुमलटारका लागि मेसोउके ओलोउमोउले दुई र स्टेफन समिरले एक गोल गरेका थिए ।

योसँगै मछिन्द्रले लिगमा तेस्रो जित हासिल गरेको छ । मछिन्द्रको ८ खेलमा १२ अंक भएको छ र लिगको पाँचौं स्थानमा उक्लिएको छ ।

त्यस्तै खुमलटारको भने ८ खेलमा ७ अंक रहेको छ र लिगमा १०औं स्थानमा रहेको छ ।