चितवन । राष्ट्रिय स्वतन्त्र पार्टीका सभापति रवि लामिछानेका चालक सिन्धुपाल्चोक बाह्रबिसे नगरपालिका–३ घर भएका ३९ वर्षीय शम्भु भनिने दिलबहादुर थापा गम्भीर घाइते भएका छन् ।

सोमबार विहान ४ बजेतिर भरतपुर–११ स्थितमा लामिछानेको घरको छतबाट लडेर चालक थापा घाइते भएको जिल्ला प्रहरी कार्यालय चितवनका प्रवक्ता डिएसपी विजयराज पण्डितले जानकारी दिए ।

थापाको खुट्टामा र टाउको चोट लागेको र उनको पुरानो मेडिकल कलेज भरतपुरमा उपचार भइरहेको प्रहरीले बताएको छ । घटनाको विषयमा अनुसन्धान भइरहेको डिएसपी पण्डितले बताए।