काठमाडौँ । शहिद स्मारक ए डिभिजन लिग अन्तर्गत न्यूरोड टिमले खुमलटारलाई पराजित गरेको छ ।

दशरथ रंगशालामा सम्पन्न खेलमा न्यूरोड टिमले खुमलटारलाई ३-१ गोल अन्तरले पराजित गरेको हो ।

न्यूरोड टिमको जितमा सरोज तामाङ, संजीव विष्ट र मोहित गुरुङले एक एक गोल गरेका थिए । त्यस्तै खुमलटारका लागि श्यामु मुर्मुले एक गोल फर्काएका थिए ।

योसँगै जारी लिगमा न्यूरोड टिमले दोस्रो जित हासिल गरेको छ । यो जितपछि न्यूरोडको १० खेलमा १० अंक भएको छ । त्यस्तै खुमलटारको पनि १० खेलमा १० अंक नै रहेको छ ।