काठमाडौँ । इन्डियन प्रिमियर लिग क्रिकेट (आइपीएल)मा दिल्ली क्यापिटल्सले ६ खेल खेल्दा पहिलो जित दर्ता गरेको छ । गयराति भएको खेलमा दिल्लीले कोलकता नाइट राइडर्सलाई ४ विकेटले पराजित गरेको हो ।

पहिले ब्याटिङ गरेको कोलकाताले २० ओभरमा सबै विकेट गुमाएर १२७ रन बनाएको थियो, जवाफमा दिल्लीले १९.२ ओभरमा ६ विकेट गुमाएर १२८ रन बनायो।

टस हारेर पहिले ब्याटिङ गरेको कोलकाताका लागि लिटन दास ४, कप्तान नितिश राना ४, मनदीप सिंह १२, रिंकु सिंह ६, जेसन रोय ४३, आन्द्रे रसेलले ३८ रन बनाए । दिल्ली क्यापिटल्सका इशान्त शर्मा, एनरिक नोर्टजे, अक्षर पटेल र कुलदीप यादवले समान २–२ विकेट लिए ।

१२८ रनको लक्ष्य पछ्याएको दिल्ली क्यापिटल्सका कप्तान डेभिड वार्नरले अर्धसतकीय पारी खेले । उनले ४१ बलमा ११ चौकाको मद्दतमा ५७ रन बनाए । पृथ्वी शा १३, मिचेल मार्स २, फिल साल्ट ५, मनिष पाण्डे २१ रअक्षर पटेलले १९ रन बनाए ।