काठमाडौँ । दुई ब्याट्सम्यानले शतक प्रहार गरेपछि युएईले सिंगापुरलाई ४७२ रनको विशाल लक्ष्य दिएको छ । समूह ‘बी’ को खेलमा युएईले सिंगापुरविरुद्ध उत्कृष्ट ब्याटिङ गर्दै ४७२ रनको लक्ष्य प्रस्तुत गरेको हो ।

कीर्तिपुरस्थित त्रिवि मैदानमा सिंगापुरविरुद्धको खेलमा टस जितेर पहिले ब्याटिङ गरेको युएईले एकदिवसीय फर्म्याटको खेलमा जोडेको यो अहिलेसम्मकै ठूलो स्कोर हो।

खेलमा युएईका ओपनर तथा कप्तान मोहमद वासीम र विकेटकिपर ब्याट्सम्यान वृत्य अरविन्दले शतक प्रहार गरे।

वासीमले ८२ बलमा ९ चौका र १६ छक्काको मद्दतमा १६० रन बनाए।

वृत्यले ९६ बलमा १७ चौका र ७ छक्काको मद्दतमा १७४ रन जोडे।

आयन खानले ५० बलमा ९ चौका र ३ छक्काको मद्दतमा ७४ रन बनाए ।

बलिङमा सिंगापुरका अद्वृत्य भार्गवाले ४ विकेट लिए।

समूहमा युएईले अघिल्ला दुई मध्ये एक खेलमा जित र एक खेलमा हार बेहोरेको छ। सिंगापुर भने अघिल्ला दुवै खेलमा पराजित भएको थियो।