काठमाडौं । एसीसी प्रिमियर कप अन्तर्गत समुह ए मा रहेको ओमानले साउदी अरेबियालाई पराजित गर्दै सेमिफाइनलमा पुगेको छ ।

टियु क्रिकेट मैदानमा बुधबार सम्पन्न खेलमा ओमानले साउदी अरेबियालाई ७२ रनले पराजित गर्दै सेमिफाइनलमा पुगेकाे हाे ।

ओमानले दिएको ३६७ रनको लक्ष्य पछ्याएको साउदी अरेबियाले ४६.५ ओभरमा अल आउट हुदै २९४ रन बनायो ।

साउदीका लागि अब्दुल वाहीदले सर्बाधिक ९५ रन बनाएका थिए भने साद खानले ७८, कप्तान हिशाम शेखले ३६, अब्दुल वहिदले २५ रन बनाएका थिए ।

त्यस्तै ओमानका बलर बिलाल खानले सर्बाधिक ४ विकेट लिए भने जय ओडेड्राले ३ विकेट लिएका थिएका थिए । त्यस्तै जीशाम मक्सूदले २ तथा आयान खानले एक विकेट लिएका थिए ।

यसअघि टस हारेर पहिला ब्याटिंग गरेको ओमानले ५० ओभरमा ६ विकेट गुमाउदै ३६६ रन बनाएको थियो ।

यो जितसँगै समुह ए बाट ओमानको ४ खेलमा ६ अंक भएको छ र सेमिफाइनलमा पुगेको छ ।