रुसले शुक्रबार युक्रेनमा एकैदिन २३ वटा मिसाइलले आक्रमण गरेको छ । जसमा विभिन्न सहरका ३ बालबालिकासहित १६ जनाको मृत्यु भएको छ । रिपोर्टका अनुसार उमान सहरमा १३ जनाको मृत्यु भएको छ भने ९ जना घाइते भएका छन् ।

डिनिप्रोमा एक घरमा प्रहार गर्दा एक २ वर्षीया बालिका र उनकी आमाको मृत्यु भएको छ । त्यहाँ तीन जना घाइते भएका छन् । अल जजिराको रिपोर्टका अनुसार त्यहा मृत्यु हुनेको संख्या बढ्न सक्छ ।

युक्रेनको राजधानी सहर किभ र क्रेमेन्चुकमा पनि विस्फोट भएको छ । जेलेन्स्कीले १० आवासीय भवन पनि रुसी मिसाइलको आक्रमणमा परेको बताए । उनले सामाजिक सञ्जालमा शैतानलाई हतियारले मात्र रोक्न सकिने बताएका छन् ।

कीभ सहरको सैन्य प्रशासनका अनुसार पछिल्लो ५१ दिनमा युक्रेनको राजधानीमा भएको यो पहिलो हमला हो ।

आक्रमणबाट ध्वस्त भएको भवनमा बस्ने एक व्यक्तिले उक्त मिसाइल आक्रमण अत्यन्तै शक्तिशाली रहेको र वरपरका सबै चीजहरू हल्लाएर विस्फोट भएको बताए।

-एजेन्सी