काठमाडौं । लियोनेल मेसी अन्ततः साउदी अरेबिया जाने निश्चित भएको छ । समाचार एजेन्सी एएफपीले मेसीले साउदी प्रो लिग क्लब अल हिलालको अफरलाई स्वीकार गरेको पुष्टि गरेको हो ।

अल हिलालले मेसीलाई ४०० मिलियन बार्षिक पारिश्रमिक दिने अफर यसअघि गरेको थियो ।

एएफपीले अल हिलालसँगको डिलमा सहभागीलाई उदृत गर्दै मेसी साउदी जाने निश्चित भएको दाबि गरेको छ ।

मेसी साउदी जाने निश्चित भएसँगै मेसी र क्रिस्टियानो रोनाल्डो फेरी २०१८ पछि एकै लिगमा हुने भएका छन् । साउदी अरबको पर्यटन दूत समेत रहेका मेसीलाई अल हिलालले अल नासरले रोनाल्डोलाई दिएको भन्दा दोब्बर पारिश्रमिक दिएर भित्र्याउने भएको हो ।

यसअघि मेसीलाई पुनः भित्र्याउन बार्सिलोनाले प्रयास क्लबको आर्थिक संकटका कारण असफल भएपछि मेसीले साउदी रोजेको बताइएको छ ।