काठमाडौं । अमेरिकी पूर्वराष्ट्रपति डोनाल्ड ट्रम्पले लेखिका ई. जीन केरललाई यौन दुर्व्यवहार गरेको ठहर गर्दै पीडितलाई क्षतिपूर्ति वाफत ५० लाख डलर दिनुपर्ने फैसला सुनाएको छ ।

न्युयोर्कको सिभिल कोर्टले ट्रम्पलाई यौन दुर्व्यवहारमा दोषी ठहर गरेको हो ।

म्यागेजिनकी लेखिका केरलले सन् १९९० मा ट्रम्पले आफूलाई यौन दुर्व्यवहार र आफ्नो मानहानी गरेको आरोप ट्रम्पमाथि लगाएकी थिइन् । सोही मुद्दामा अदालतले ट्रम्पलाई दोषी ठहर गरेको बीबीसीले जनाएको छ । ट्रम्पले एक डिपार्टमेन्टल स्टोरको ड्रेसिङ रुममा आफूलाई बलात्कार गरेको आरोप उनको थियो ।

ट्रम्पले सामाजिक सन्जालमार्फत् प्रतिक्रिया सार्वजनिक गर्दै अदालतको फैसला अपमानजनक भएको बताएका छन् । ती महिलालाई आफूले नचिन्ने ट्रम्पले उल्लेख गरेका छन् ।

लेखिका केरलले सन् १९१९ मा प्रकाशित गरेको एक पुस्तकमा ट्रम्पले आफूलाई गरेका दुर्व्यवहारबारे उल्लेख गरेकी थिइन् । यो फैसलाविरुद्ध अपिल गर्ने ट्रम्पको योजना रहेको बीबीसीले जनाएको छ ।