काठमाडौँ । नक्कली भुटानी शरणार्थी प्रकरणमा नेपाली कांग्रेसका पूर्वसांसद आङतावा शेर्पाविरुद्ध पक्राउ पुर्जी जारी भएको छ।

शरणार्थी प्रकरणमा पक्राउ परेका बिचौलियालाई हिरासतमा भेटेर कांग्रेस नेताहरुलाई बयानमा नपोल्न दबाब दिएको आरोपमा उनीविरुद्ध पक्राउ पूर्जी जारी भएको प्रहरीले जनाएको छ ।

जिल्ला अदालत काठमाडौंबाट शुक्रबार नै उनीविरुद्ध पक्राउ पुर्जी जारी भए पनि अहिलेसम्म उनलाई प्रहरीले पक्राउ गरेको छैन । शेर्पा त्यसअघि नै फरार रहेकाले खोजी कार्य जारी रहेको वप्रहरीले जनाएको छ । प्रकरणमा ठूला नाम संलग्न भएको र पक्राउ पर्न थालेपछि उनी मोवाइल स्वीचअफ गरेर फरार छन्।

शेर्पाले पूर्वगृहमन्त्री बालकृष्ण खाणको नाम नलिन हिरासतमै पुगेर सानु भण्डारी र केशव दुलाललाई भेटेको आरोप छ । उनले पीडितको रकम फिर्ता गरिदिने भन्दै खाणलाई जोगाउन खोजेका थिए।

प्रहरीले यही प्रकरणमा पूर्वगृहमन्त्री खाँण र पूर्वगृहसचिव टेकनारायण पाण्डेलाई पक्राउ गरेको छ।