काठमाडौँ । नक्कली शरणार्थी प्रकरणमा पूर्वगृहमन्त्री बालकृष्ण खाँणसहित १२ जनालाई थप चार दिन म्याद थपिएको छ ।

काठमाडौँ जिल्ला अदालतबाट आज उनीहरूलाई थप चार दिन अनुसन्धानका लागि हिरासतमा राख्न म्याद थप भएको हो । अहिलेसम्म नक्कली भुटानी शरणार्थी प्रकरणमा पूर्वगृहमन्त्री बालकृष्ण खाँण, सचिव टेकनारायण पाण्डे, इन्द्रजित राईलगायत १२ जना पक्राउ परेका छन् ।

पूर्वउपप्रधानमन्त्री एवं एमालेका सचिव टोपबहादुर रायमाझीसहित चार जना भने फरार रहेका छन् । उनीहरूलाई प्रहरीले खोजी कार्य जारी राखेको छ ।

नक्कली भुटानी शरणार्थी प्रकरणबारे छानविन भएपछि जनस्तर तथा राजनीतिक दलबाट निष्पक्ष छानविनको माग गर्दै आन्दोलन भइरहेको छ ।