मोरङ । जिल्लाको सुन्दरहरैचा नगरपालिका बिराटचोकमा रहेका दुई वटा बैंकबाट खाताको पासवर्ड ह्याक गरी पैसा निकाल्ने पुरुष पक्राउ परेका छन् ।

पक्राउ पर्नेमा सोही ठाउँ बस्ने ३६ वर्षीय देवराज सिक्देललाई प्रहरीले पक्राउ गरेको हो । सुन्दरहरैचा नगरपालिका ४ दुलारीस्थित आरए भिजन एकाउन्टेन सोलुसन प्रा.लि. फर्मका एकाउन्टेन्ट समेत रहेका उनले सोही फर्मका सञ्चालकको नबिल बैंक शाखा कार्यालय बिराटचोकमा रहेको बैंक खाताको पासवर्ड ह्याक गरी २८ हजार रुपैयाँ निकालिएको हो ।

यस्तै सोही फर्मका सञ्चालकका काकाको माछापुच्छ्रे बैंक शाखा कार्यालय बिराटचौकमा रहेको खाताबाट विभिन्न मितिमा ६६ हजार रुपैयाँ निकालेको खुल्न आएपछि उनलाई प्रहरीले पक्राउ गरेको हो ।

उनी उपर इलाका प्रहरी कार्यालय बेलवारीबाट थप अनुसन्धान भइरहेको छ ।