काठमाडौँ । सरकारले आगामी आर्थिक वर्षका लागि १७ खर्ब ५१ अर्ब र ३१ करोड रुपैयाँ विनियोजन गरेको छ ।

यो चालु आर्थिक वर्ष २०७९/८० को बजेटको तुलनामा कम हो । गत वर्ष सरकारले १७ खर्ब ९३ अर्ब ८३ करोड रुपैयाँ बराबरको बजेट विनियोजन गरेको थियो ।

आज बसेको संघीय संसदको बैठकमा अर्थमन्त्री प्रकाशशरण महतले आगामी आर्थिक वर्षको बजेटका लागि साढे १७ खर्ब रूपैयाँ विनियोजन गरेका हुन् । चालु खर्चतर्फ कूल ११ खर्ब ४१ अर्ब र ७८ करोड विनियोजन गरेका छन् ।

यस्तै, पुँजीगततर्फ तीन खर्ब दुई अर्ब ७ करोड विनियोजन गरेका छन् भने वित्तीय व्यवस्थापनतर्फ तीन खर्ब सात अर्ब ४५ करोड रुपैयाँ विनियोजन गरेको घोषणा गरेका हुन् ।