उत्तरी अफगानिस्तानमा प्राथमिक विद्यालयका ८० छात्राहरूलाई विष खुवाइएको छ। क्षेत्रका शिक्षा अधिकारीले आइतबार सो जानकारी दिएका हुन् । उनले सबै छात्राहहरुलाई अस्पतालमा भर्ना गरिएको बताए । सन् २०२१ को अगस्टमा तालिबान सत्तामा आएपछि यस्तो पहिलो घटना हो।

तालिबानले पहले नै देशमा छात्राहरूलाई छ कक्षाभन्दा माथि पढ्न प्रतिबन्ध लगाएको छ। उनीहरुलाई विष खुवाइएका विद्यालय अफगानिस्तानको सार–ए–पुल प्रान्तमा स्थित छन् । दुवै विद्यालय आसपासमै रहेको बताइएको छ ।

सर–ए–पुलका शिक्षा विभागका अधिकारीले यस विषयमा अनुसन्धान भइरहेको बताए । उनले भने, ‘प्रारम्भिक अनुसन्धानमा कसैको षड्यन्त्र भएको देखिन्छ । ती युवतीहरुलाई कसरी विष खुवाइयो भन्ने अहिलेसम्म थाहा हुन सकेको छैन । केटीहरूको उमेर र कुन कक्षामा पढ्छन् भन्ने बारे पनि कुनै जानकारी प्राप्त भएको छैन।’

सन् २०१५ मा अफगानिस्तानमा पनि यस्तै घटना भएको थियो । त्यसपछि हेरात प्रान्तमा ६०० स्कूली छात्राहरूलाई विष खुवाइएको थियो। त्यतिबेला पनि कुनै पनि संस्थाले यसको जिम्मेवारी लिएको थिएन । यद्यपि धेरै मानवअधिकार संगठनहरूले घटनाको लागि तालिबानलाई जिम्मेवार ठहराएका थिए।

-एजेन्सी