काठमाडौँ । नेकपा एमालेका अध्यक्ष केपी शर्मा ओलीले अर्थमन्त्रीले करका दर हेरफेर गरेको भन्नेबारे आशंका व्यक्त गरेका छन् । मंगलबार बसेको प्रतिनिधिसभा बैठकमा बोल्दै उनले करका दरबारे प्रश्न गरेका हुन् ।

यस्तै, उनले गाँजा खेती कसले गर्न खोजेको भन्दै अर्थमन्त्रीलाई प्रश्न गरे । उनले गाँजा खेती कुनै व्यापारीले गर्न खोजेको भन्दै सर्वसाधरणलाई मारमा पार्न खोजेको आरोप लगाए ।

‘धान फलाउनु छैन, आलु फलाउनु छैन, यहाँ गाँजा खेती चाहिएको छ, कसलाई चाहिएको छ गाँजा खेती ? यत्तिकै उब्जिएको गाँजाबाट सर्वसाधरण जेल जान्छन्,’ अध्यक्ष ओलीले भने, ‘यहाँ गाँजाको बीउ लिएर बसेका व्यापारी को हो ?, कसलाई चाहियो गाँजा खेती ?’

यस्तै, उनले देशको आर्थिक वृद्धि अर्थमन्त्रीले भनेको जस्तो सहज नहुने दाबी गरे । उनले आर्थिक वृद्धि पूरा नहुँदा सरकारको अवस्था के हुने भन्दै प्रश्न गरे ।