काठमाडौं । कालीकोटको रास्कोट नगरपालिकाबाट सरमुकाम मान्मा जाँदै गरेको जिप दुर्घटना हुँदा २ जनाको मृत्यु भएको छ ।

रास्कोट नगरपालिकाबाट सरमुकाम मान्मा जाँदै गरेको ग ३ च ४६१० नम्बरको जिप रास्कोटकै सेरा बसपार्क नजिकै दुर्घटना हुँदा एक जना गम्भीर घाइते भएका छन् ।

दुर्घटनामा ४३ वर्षीय मनबहादुर शाही र ३६ वर्षीया मनकुमारी शाहीको मृत्यु भएको जिल्ला प्रहरी कार्यालय कालीकोटले जानकारी दिएको छ ।

जिल्ला प्रहरी प्रमुख डीएसपी जयश्वर रिमालका अनुसार जिपमा तीन जना सवार थिए । जिप सडकबाट करिब ३०० मिटर तल खसेको छ ।