काठमाडौँ । साताको अन्तिम कारोबारका दिन नेप्से झिनो अंकले वृद्धि भएको छ । आज नेप्से ४.७५ अंकले बढेर २०५५.५३ बिन्दुमा पुगेको हो ।

कूल २२६ सूचीकृत कम्पनीको ८० लाख ८ हजार २४६ कित्ता सेयर खरिदबिक्री हुँदा तीन अर्ब ४४ करोड रुपैयाँको कारोबार भएको छ ।

सोल्टी होटलमा लगानीकर्तको आकर्षण बढी देखिएको छ । हिमालयन डिष्टलरी, शिवम् सिमेन्टस्, आइएमयृ प्रुडेन्सियल, नागरिक लगानी कोष, तारागाँउ रिजेनसी, सूर्या ज्योति लाइफ, नेपाल लाइफ, ओरियन्टल होटल र एशियन लाइफको सेयर सर्वाधिक कारोबारको लिस्टमा पर्न सफल भएको छ ।

सिटिजन्स म्युचूअल फण्ड १ को शेयर मूल्य सर्वाधिक घटेको छ । फण्डको शेयर मूल्य ८.४१ प्रतिशतले घटेको छ । इङ्वा हाइड्रोपावर, नेष्डो समृद्ध लघुवित्त, कालिका पावर कम्पनी, एनआईबिएल ग्रोथ फण्ड लगायत अन्य कम्पनीहरुको सेयरमूल्यमा सामान्य गिरावट आएको छ ।