काठमाडौं । साताको दोस्रो दिन सोमबार सेयर बजारमा दोहोरो अंकको वृद्धि भएको छ । आज नेप्शे परिसूचक ४ दशमलव ७३ प्रतिशतले वृद्धि हुँदा २१२२ दशमलव ४६ को विन्दुमा कायम भएको हो ।

सोमबार १२३ वटा कम्पनीको शेयर मूल्यमा सुधार हुँदा ९८ वटा कम्पनीको शेयर मूल्यमा गिरावट देखिएको छ । आज कुल ५ अर्ब ३१ करोडको कारोबार भएकाे छ ।

साेमबार सर्वाधिक कमाउनेमा हिमालयन लाइफको लगानीकर्ता रहेका छन् । आज कम्पनीको शेयरमा सकारात्मक सर्किट लाग्दा प्रति शेयर मूल्य ४६१ रुपैयाँ कायम भएको छ ।

यस्तै आज बीपीडब्लु लघुवित्त वित्तीय संस्थाको शेयर ९.९९ प्रतिशतले बृद्धि हुँदा यस कम्पनीका लगानीकर्ताले सर्वाधिक कमाएका छन् । आज कम्पनीको शेयर मूल्य १ हजार ६२ रुपैयाँ कायम भएको छ । साथै आज सिटि होटलको शेयर ९.९९ प्रतिशतले वृद्धि हुँदा प्रति शेयर मूल्य ३४७ रुपैयाँ कायम भएको छ ।