काठमाडौँ । आइसिसी विश्वकप छनोटको सातौं स्थानको भएको खेलमा नेपालले आयरल्याण्डलाई २६९ रनको लक्ष्य दिएको छ । टेस्ट टोली आयरल्यान्डसँग टस हारेर पहिला ब्याटिङ गरेको नेपालले ९ विकेटको क्षतिमा २६८ रन बनायो ।

ताकाशिंगा स्पोर्ट्स क्लब हरारेमा आयरल्यान्डले टस जितेर नेपाललाई ब्याटिङको निम्ता दिएको थियो ।

नेपालका लागि भीम सार्कीले २०,अर्जुन साउँदले ४८ ,कप्तान रोहित पौडेलले २९, ज्ञानेन्द्र मल्लले ७ र कुशल भुर्तेलले ८ रन बनाए । त्यस्तै कुशल मल्लले ४४ सन्दीप लामिछानेले ३२ गुल्सन झाले ५७ रन बनाए ।

नेपालले आज आरिफ शेखलाई विश्राम दिँदै कुशल मल्ललाई खेलाएको थियो । त्यस्तै तीव्र गतिका बलर प्रतिश जिसीको स्थानमा किशोर महतोलाई मौका दिएको छ ।

नेपालले ओडिआईमा आयरल्यान्डसँग पहिलो पटक खेल्न लागेको हो । पहिलो भेटमै नेपाल आयरल्यान्डलाई हराउन चाहन्छ ।

यसअघि प्लेअफमा नेपालले युएईलाई तीन विकेटले पराजित गर्दा आयरल्याण्डले अमेरिकालाई ६ विकेटले पराजित गरेको थियो ।

सुपर सिक्सबाट बाहिरिएका दुबै टोलीबीचको आजको विजेता सातौं र पराजित आठौं स्थानमा रहेर विश्वकप छनोट अन्त्य गर्नेछन् ।