काठमाडौं । प्रधानन्यायाधीशमा हरिकृष्ण कार्कीलाई अनुमोदन गर्नु हुन्न भनेर संसदीय सुनुवाइ समितिमा उजुरी दिने त्यसबेला अर्घाखाँची जिल्ला अदालतमा कार्यरत न्यायाधीश डा. श्रीकृष्ण भट्टराईले अहिले बहुविवाह गरेका कारण हैरानी खेपिरहेका छन् ।

त्यसबेला अर्घाखाँची जिल्ला अदालतमा न्यायाधीश रहेका भट्टराईले प्रधानन्यायाधीश हरिकृष्ण कार्कीको संसदीय सुनुवाइका बेला ‘प्रधानन्यायाधीश पदमा नियुक्त हुन अयोग्य रहेको’ भन्दै उजुरी दिएका थिए । तर, उजुरीकर्तासँग समितिका सबै सदस्यहरुले सामूहिक छलफल गर्नुपर्छ भन्ने उनको माग पूरा भएन । र, प्रधानन्यायाधीशमा कार्कीको नाम अनुमोदन भयो ।

कार्कीको नाम समितिबाट प्रधानन्यायाधीशमा अनुमोदन भएपछि भट्टराईले आफूले योग्यतामा प्रश्न उठाएको व्यक्ति प्रधानन्यायाधीश भएको भन्दै प्रधानन्यायाधीश पद छाडेका थिए ।

न्यायाधीश पदबाट राजीनामा दिएपछि उनै डा. भट्टराई अहिले बहुविवाह मुद्दामा झमेला झेलिरहेका छन् ।
२५ असारमा जिल्ला अदालत लमजुङमा डा. भट्टराईले जेठी श्रीमति मिठू भट्टराईविरुद्ध सम्बन्धविच्छेदको मुद्दा दर्ता गरेका छन् ।

बहुविवाहको छानबिनमा तानिने र पेन्सन बाँड्नुपर्ने भएपछि अवकाश लगत्तै भट्टराईले सम्बन्धविच्छेद मुद्दा दर्ता गरेका हुन् ।

डा. भट्टराईले पहिलो पत्नी मिठूको आफूसँग कुनै सम्बन्ध नभएको देखाउन नागरिकतामा भएको थरको सट्टा फिरादमा मिठू सिलवाल उल्लेख गरेका छन् । मिठूको नागरितामा थर भट्टराई र पतीको नाम श्रीकृष्ण भट्टराई उल्लेख छ ।

अदालतमा फिरादपत्र दर्ता गर्दै डा( भट्टराईले ‘पहिलो श्रीमतीसँग घरजम हुन नसकेपछि आफूले सम्बन्धविच्छेद नगरी दोस्रो विवाह गरेको’ स्वीकारेका छन् ।

मिठुको मौखिक सहमतिमा दोस्रो विवाह गरेको दाबी गर्दै उनले प्राविधिक रुपमा कायम रहन गएको पति–पत्नीको नाता सम्बन्ध विधिवत विच्छेद गरिपाऊँ भनी लमजुङ अदालतमा निवेदन दिएका हुन् ।

मुद्दामा पूर्वन्यायाधीश भट्टराईले एलएलसी दिएलगत्तै आफूले बाबुआमाको जोडबल र करकापमा विवाह गरेको दाबी गरेका छन् । २०४२ सालमा बिहे गरेका उनले आफू र पहिलो श्रीमतीबीच उमेरमा समेत बेमेल रहेको उल्लेख गरेका छन् ।

डा. भट्टराईका पहिलो श्रीमतीबाट दुई छोरी छन् ।

आफ्नो र श्रीमतीको विवाहदर्ता नभएको अवस्थामा २ जेठ २०४३ सालमा आफ्नो नागरिकता गायब भएको र श्रीमतीले त्यो लिएर प्रतिलिपीको आधारमा अर्को नागरिकता बनाएको उल्लेख गरेका छन् । पहिलो श्रीमतीले ‘म तपाईँको घर जादिनँ, छोरी पनि तपाइँको घर टेक्दिन । अर्को विवाह गरेमा उजुरबाजुर गर्दिन’ भनेकाले आफूले अर्को विवाह गरेको उनले निवेदनमा उल्लेख गरेका छन् ।

भट्टराईले २६ मंसिर २०५६ मा शारदा सिलवालसँग दोस्रो विवाह गरेका छन् ।
दोस्रो श्रीमतीबाट जन्मेको छोराको असामयिक निधनपछि आफू र पत्नीबीच अंशबण्डा भएकोसमेत स्वीकारेका छन् ।

दोस्रो श्रीमतीबाट जन्मेको छोराको देहान्तपछि पहिलो श्रीमतीले धाकधम्की दिनथालेको भन्दै उनले दवाव र मानसिक यातना कायम भएकाले प्राविधिक रुपमा बाँकी रहेको सम्बन्धविच्छेको काम टुंग्याउन फिरादपत्र दर्ता गरेको दाबी भट्टराईले गरेका छन् ।

उयर्ता उनकोृ परिवारका सदस्यहरूले भने पूर्वन्यायाधीश भट्टराईले फिरादपत्रमा गरेको दाबी सही नभएको बताउँछन् । अवकाशपछि बनाउने पेन्सनपट्टामा पहिलो श्रीमतीले हकदावी गर्ने भएकाले त्यसबाट उम्किन सम्बन्धविच्छेदको निवेदन दिएको परिवारका सदस्यहरू बताउँछन् ।