काठमाडौं । काठमाडौंको सिनामंगलस्थित एक ज्वेलर्स अगाडि राखिएको शंकास्पद वस्तुलाई नेपाली सेनाको टोलीले निष्कृय पारेको छ । सो शंकास्पद वस्तु बम नभएको पाइएको छ ।

यसैबीच उक्त घटनामा संलग्न आरोपमा प्रहरीले एकजनालाई पक्राउ गरेको छ । ज्वेलर्स अगाडि बम राख्ने काममा संलग्न भएको अभियोगमा प्रहरीले खजाञ्ची पासवानलाई पक्राउ गरेको हाे।

सिनामंगल पुल नजिक रहेको खोटाङ हलेसी ज्वलेर्सको सटर अगाडि आज बिहान शंकास्पद वस्तु फेला परेको थियो । उक्त वस्तु नजिकै हाम्रो पार्टी नेपाल उत्थान क्रान्तिकारी पार्टीको पर्चा पनि भेटिएको थियो ।