काठमाडौँ । सर्वोच्च अदालतले ललिता निवास प्रकरणमा पक्राउ नगर्न भनी अन्तरिम आदेश लिएका १७ जनालाई पक्राउ गर्न पाइने भएको छ ।

शुक्रबार सर्वोच्च अदालतले पहिलेको अन्तरिम आदेश खारेज गरेपछि उनीहरूलाई पक्राउ गर्ने बाटो खुलेको हो ।

ललिता निवास प्रकरणमा आफूहरूलाई पक्राउ नगर्न भन्दै कलाधर देउजासहित १७ जनाले सर्वोच्च अदालतबाट अन्तरिम आदेश लिएका थिए ।

न्यायाधीश ईश्वरप्रसाद खतिवडाको इजलासबाट अन्तरिम आदेश लिएसँगै उनीहरू पक्राउ हुनबाट बच्दै आएका थिए ।

सोही आदेशविरुद्ध सीआइबी भ्याकेट निवेदन दिएको थियो । सीआइबीको निवेदनमा सर्वोच्चले रिट जारी गर्दै पहिलेको अन्तरिम आदेश खारेज गरिदिएको हो ।