काठमाडौँ । अनुदानको मल ससुरालीमा लुकाउने सहकारीका अध्यक्षलाई प्रहरीले पक्राउ गरेको छ ।

एक साताअघि कपिलवस्तुको शुद्धोधन गाउँपालिका ३ स्थित ओम सहकारी संस्थाका अध्यक्ष भागिरथी यादवले कृषि सामग्री कम्पनी लिमिटेडबाट साढे २९ क्वीण्टल डिएपी र १४ क्वीण्टल युरिया खरिद गरी ससुराली लगेका थिए ।

किनेको मल उनले सोही गाउँपालिका ६ स्थित आफ्नै ससुरा बनारसी यादवको घरका पुर्‍याएका हुन् । ससुरालीको घरमा लगेको मल बढी पैसा लिएर बिक्री गरेको कृषकहरूले कुरा थाहा पाएका थिए ।

अध्यक्ष यादवले मल बेच्नुअघि प्रहरीले छापा हानेर ५४ बोरा रासायनिक मल बरामद गरेको थियो । बाँकी ३२ बोरा मल बिक्री गरेका थिए ।