काठमाडौं । अमेरिकाको नर्थ क्यारोलिनामा बस्ने १० वर्षीया एम्मा एडवर्ड्स अब यो संसारमा छैनन् । उनको ब्लड क्यान्सरबाट निधन भएको हो । एम्मा अहिले जीवित छैनन् तर उनका आमाबुवाले उनी संसारबाट बिदा हुनु अघि एउटा इच्छा पूरा गरिदिएका छन् । १२ दिन अगाडि उनको

एम्माका आमाबाबुका अनुसार उनलाई दुलही बन्न निकै मन थियो। ‘डाक्टरहरूले छाेरीसँग केही दिन मात्र बाँकी रहेको बताएपछि हामीले उनको दुलही बन्ने इच्छा पूरा गर्‍यौं’एम्माका आमाबाबुले भने।’

एम्माको कथा अप्रिल २०२२ मा सुरु हुन्छ र जुन २९, २०२३ मा अन्त्य हुन्छ । अप्रिल २०२२ मा एक दिन, एम्मा घरमा खेल्दै गर्दा अचानक बेहोस भइन् । आमाबाबुले तुरुन्तै उनलाई अस्पताल लगे। रिपोर्ट सार्वजनिक भएपछि थाहा हुन्छ, उनकी छोरीलाई ’लिम्फोब्लास्टिक ल्युकेमिया’ थियो।

यो एक प्रकारको ब्लड क्यान्सर हो । अक्सर, साना केटाकेटीहरू यो घातक रोगको शिकार हुन्छन्। लिम्फोब्लास्टिक ल्युकेमियाले सामान्यतया बच्चाहरूको ‘बाेनम्याराे’ र रगतलाई खराब गरिदिन्छ । त्यसमा रहेका कोशिकाहरू बिस्तारै नष्ट हुँदै जान्छन् र एक समय यस्तो आउँछ जब बिरामीको शरीरले यस रोगसँग लड्ने शक्ति गुमाउँछ। एम्माले पनि यही स्टेजमा अन्तिम सास फेरेकी थिइन् ।