काठमाडौँ । प्रमुख सत्तारुढ दल नेकपा (माओवादी केन्द्र)ले संघीय मामिला तथा प्रशासनमन्त्री अमनलाल मोदीलाई मन्त्रीबाट फिर्ता बोलाउने निर्णय गरेको छ ।

प्रधानमन्त्रीसमेत रहेका पार्टी अध्यक्ष पुष्पकमल दाहालको अध्यक्षतामा प्रधानमन्त्री निवास बालुवाटारमा बसेको पदाधिकारी बैठकले मन्त्रीबाट मोदीलाई फिर्ता बोलाउने निर्णय गरेको एक पदाधिकारीले जानकारी दिए ।

प्रधानमन्त्री दाहालले आइतबार नै मन्त्रिपरिषद् हेरफेरको तयारी अघि बढाएका छन् । जनमत पार्टीलाई सरकारमा समावेश गराउनेगरी दाहालले माओवादीको भागमा रहेको एउटा मन्त्री हटाएका हुन्।

मोदीमाथि कर्मचारी सरुवामा आर्थिक चलखेल गर्ने गरेको आरोप लाग्दै आएको थियो ।