काठमाडौँ । स्कोडाले कायलाकलाई नेपालका चुनौतीपूर्ण र कठिन सडक मार्गहरू मनाङ, ढोरपाटन र तीनजुरेमा सफलतापूर्वक परीक्षण गरेको छ ।

यी क्षेत्र ठाडो उकालो–ओरालो, बिग्रे भत्केका सडक, साँघुरा मोड र छिटो बदलिने मौसमका कारण नेपाली चालकहरूबीच कठिन मार्गका रूपमा चिनिन्छन् । कायलाकलाई वास्तविक भौगोलिक अवस्थामै परीक्षण गरेर स्कोडाले यस एसयुभी नेपाली सडकका दैनिक चुनौतीका लागि तयार रहेको स्पष्ट पारेको कम्पनीको भनाइ छ ।

हालै हिमालय टिभीमा प्रसारित ‘द फ्याब शो’ कार्यक्रममा घुमन्ते टीमका चर्चित ट्राभल भ्लगर मनिष रुचालले स्कोडा कायलाकमार्फत ढोरपाटनको यात्रा अनुभव साझा गर्दै ढोरपाटनका चुनौतीपूर्ण सडकमा आत्मविश्वास नडगमगाएको बताए । ‘गाडीको प्रभावशाली टर्क र पावरले हरेक अवरोध सहजै पार गर्यो, जसले यात्रालाई अविस्मरणीय बनायो,’ उनले भने ।

यी सबै परीक्षणले कायलाक नेपालको विविधतायुक्त सडक वातावरणका लागि उपयुक्त रहेको पुष्टि गर्ने कम्पनीको भनाइ छ । स्कोडाको युरोपेली इन्जिनियरिङ आधारमा निर्मित यस एसयुभीले स्थिर ह्यान्डलिङ, बलियो ग्रिप र अचानक बदलिने सडक अवस्थामा समेत निरन्तर प्रदर्शन प्रदान गर्ने कम्पनीको भनाइ छ । यसले कायलाक केवल शहरका लागि मात्र नभई नेपालका पहाड र राजमार्गका लागि पनि तयार गरिएको एसयूभी भएको सन्देश दिने कम्पनीको भनाइ छ ।