काठमाडाैं । अक्षय कुमारले भारतीय नागरिकता पाएका छन् । अक्षय आफैंले ट्वीट गर्दै जानकारी उक्त दिएका हुन् ।

आफ्नो नागरिकताको प्रमाणपत्रको तस्बिर साझा गर्दै अक्षयले लेखेका छन्– ‘मन र नागरिकता दुवै हिन्दुस्तानी। स्वतन्त्रता दिवसको शुभकामना। जय हिन्द।’

नागरिकतामा उनको नाम अक्षय हरिओम भाटिया छ।

अक्षयले सन् २०११ मा क्यानडाको संघीय निर्वाचनपछि त्यहाँको कन्जरभेटिभ सरकारद्वारा क्यानडाको नागरिकता पाएका थिए।

भारतमा उनलाई क्यानेडियन कुमार भन्दै ट्रोल पनि गरिँदै आएकाे थियाे । उनले डिसेम्बर २०१९ मा भारतीय राहदानीका लागि आवेदन दिएका थिए।