काठमाडौँ । मुटुमा समस्या देखिएपछि पूर्वयुवराज पारस शाह अस्पताल भर्ना भएका छन् । मुटुमा केही असहज भएपछि शुक्रबार मण्डिखाटारस्थित पूर्वयुवराज शाहलाई ह्याम्स अस्पताल भर्ना गरिएको अस्पतालका निर्देशक डा. ज्योतिन्द्र शर्माले जानकारी दिए ।

शर्माका अनुसार पारसको स्वास्थ्य अवस्था हाल सामान्य छ । तर मुटुमा यसअघि पनि समस्या देखिएको र आईसीडी राखिएकोले २४ घन्टा सुपरिवेक्षणका लागि भर्ना गरिएको उनले बताए ।

पारसलाई भेट्न पूर्वराजा ज्ञानेन्द्र शाह, पूर्वरानी कोमल र पूर्वयुवराज्ञी हिमानी शाह अस्पताल पुगेका थिए ।