काठमाडौं । एसिया कप क्रिक्रेटमा भारतले पाकिस्तानलाई २६७ रनको लक्ष्य दिएको छ । टस जितेर पहिले ब्याटिङ गरेको भारतले ४८।५ ओभरमा अलआउट हुँदै २६६ रन बनाएको थियो ।

भारतका लागि हार्दिक पाण्डेयाल ८७ रन बनाए । यस्तै इशान किशनले ८२ रन बनाए ।

विराट कोहली ४ रनमा आउट हुँदा कप्तान रोहित शर्मा ११ र अर्का ओपनर शुभमन गिल १० रनमा आउट भएका थिए ।

यस्तै श्रेयस अय्यर र रविन्द्र जडेजाले समान १४ १४ रन बनाए ।

पाकिस्तानका लागि शाहीन शाह अफ्रिदिले ४ विकेट लिए । यस्तै हरि राउफले ४ र नसीम शाहले १ विकेट लिए ।

खेल चलिरहेका बेला पानीले दुई पटक खेल केही समय प्रभावित भएको थियो ।