काठमाडौं । एसिया कपअन्तर्गत नेपाल र भारतबीचको खेलमा नेपाललाई हराएपनि भारतीय टीमका कप्तान रोहित शर्मा खुसी छैनन् ।

सोमबार श्रीलंकामा भएको खेलमा पहिलोपटक भारतसँग खेलेको नेपाल १० विकेटले पराजित भएको थियो ।

खेलपछि भारतका कप्तान रोहितले नेपाललाई हराएपनि आफु खेलाडीको प्रदर्शनबाट सन्तुष्ट नएको बताएका छन् । उनले भने, ‘हामीले आज उत्कृष्ट खेल्न सकेनौँ’ । ‘पहिलो खेलमा दबाबमा हुँदा हार्दिक पाण्ड्या र इशान (किशन) ले हामीलाई राम्रो स्थितिमा पुर्‍याए। आज हाम्रो बलिङ राम्रो थियो तर फिल्डिङ अपेक्षाभन्दा कम थियो।’

कप्तान शर्माले आगामी सुपर–४ चरणका लागि भारतीय टोलीले थप सुधार गर्नुपर्ने बताए ।