काठमाडौं । प्रधानमन्त्री पुष्पकमल दाहाल र प्रमुख प्रतिपक्षी दल नेकपा एमालेमा अध्यक्ष केपी ओलीबीच भेटवार्ता भएको छ ।

प्रधानमन्त्री तथा मन्त्रिपरिषद्को कार्यालयमा दुई नेताबीच भेटवार्ता भएको प्रधानमन्त्रीको सचिवालयले जानकारी दिएको छ । प्रधानमन्त्री दाहालले बोलाएपछि ओली दिउँसो प्रधानमन्त्री कार्यालय पुगेका थिए ।

निकटस्थट स्रोतले संसद्मा छलफल क्रममा रहेका विधेयकलगायत समसामयिक राजनीतिबारे दुई नेताबीच कुराकानी भएको थियो ।

प्रधानमन्त्रीको आसन्न विदेश भ्रमणहरुको सेरोफेरोमा छलफल पनि भएको स्रोतले बतायो ।

प्रधानमन्त्री दाहाल दुई सातापछि संयुक्त राष्ट्रसंघ तथा चीन भ्रमणमा जाने कार्यक्रम
तय भएको छ ।

दुई नेताबीच पौने २ बजेदेखि पौने ३ बजेसम्म भेट भएको थियो ।