झापा । नेकपा एमालेका अध्यक्ष केपी शर्मा ओलीले बंगलादेशको निर्वाचनमा जे भयो नेपालमा पनि त्यही हुने बताएका छन् । उनले बंगलादेशको निर्वाचनका विजेतालाई बधाई तथा शुभकामना पनि दिए ।

काठमाडौंबाट आज आफ्नो निर्वाचन क्षेत्र झापा ५ आउने क्रममा भद्रपुर विमानस्थलमा पत्रकारसँग कुरा गर्दै ओलीले नेपालको निर्वाचन परिणाम पनि बंगलादेशकै जस्तो हुने बताए ।

उनले चुनावको वातावरण अझै भन्न सकिनेअवस्थामा नरहेकाे प्रतिक्रिया दिए । ‘चुनाव हुने भयो भने भाग लिन्छौं। चुनावको वातावरण यसै भन्न सकिन्नँ अझै पनि’ओलीले भने ।