काठमाडौं । नेपाली कांग्रेसका सहमहामन्त्री तथा पूर्वखानेपानीमन्त्री महेन्द्र यादवमाथि खुकुरी प्रहार भएको छ।

बुधबार दिउँसो काठमाडौंको भृकुटीमण्डपस्थित रिपोर्टर्स क्लब बाहिर सहमहामन्त्री यादवमाथि खुकुरी प्रहार भएको हो।

जिल्ला प्रहरी परिसर काठमाडौंका एसपी कुमोध ढुंगेलले यादवमाथि खुकुरी प्रहार भएको जानकारी दिँदै उपचारका लागि यादवलाई ट्रमा सेन्टरमा लगिएको जानकारी दिए ।

रिपोर्टस क्लबको कार्यक्रम सकेर बाहिर निस्केका यादवमाथि खुकुर प्रहार भएको हो। यादवको टाउकोमा चोट लागेको छ।

‘उहाँलाई टाउकोमा खुकुरी प्रहार भएको रहेछ, उपचारका लागि ट्रमा सेन्टर लगिएको छ। बोल्न सक्नुहुन्छ,’ एसपी ढुंगेलले भने।

यादवमाथि खुकुरी प्रहार गरेको आरोपमा नुवाकोट घर भएका श्यामबाबु सापकोटालाई पक्राउ गरिएको प्रहरीले जनाएको छ। उनले किन सहमहामन्त्री यादवमाथि सांघातिक आक्रमण गरेका हुन् खुलिसकेको छैन।