काठमाडौं । प्रधानमन्त्री पुष्पकमल दाहाल प्रचण्ड अमेरिका उडेको भोलिपल्टै तीन जना सांसद पनि उत्तैतिर लागेका छन् । जनमत पार्टीका अध्यक्ष सिके राउत, राष्ट्रिय स्वतन्त्र पार्टीकी सांसद सोविता गौतम र कांग्रेस सांसद रुपा विश्वकर्मा अमेरिका प्रस्थान गरेका हुन् ।

उनीहरु गएराती कतार एयरवेजमार्फत दोहा हुँदै अमेरिका लागेका हुन् ।

‘अध्यक्षको ब्यीक्तगत कामले उहाा अमेरिका जानुभएको हो,’ जनमत पार्टी सचिव विपि साहले भने,–‘कुनै अरु कामले होइन, ब्यीक्तगत काम नै हो ।’

राउत दुई सातापछि फर्किने गरि अमेरिका गएको साहले बताए ।

सांसदहरु अहिले विदेश भ्रमणमा जाने क्रम ह्वातै बढेको छ । भोलिमात्रै पनि सभामुख देवराज घिमिरेकै नेतृत्वमा एउटा टोली आयरल्यान्ड जाने कार्यक्रम रहेको छ । आगामी सातातिर फेरि संसदको कृर्षि समितिका सभापति डा आरजु राणा देउवा नेतृत्वको टोली बंगलादेश जाने कार्यक्रम छ ।